पोखरा, २० असार (समाधान)—ग्राहकहरुलाई अझ राम्रो सहयोग र सुविधा प्रदान गर्ने उद्देश्य राखी चौधरी ग्रुपले पोखरामा आफ्नो किसिमको पहिलो सिजी प्लाजा स्थापना गरेको छ । उक्त प्लाजामा सिजीका सबै बिजनेस इकाइ सम्मिलित छन् ।

यसले ग्राहकहरुलाई एकै ठाउँबाट सिजी व्यवसायसँग सम्बन्धित सबै जानकारी र सेवाहरु प्राप्त गर्न मद्दत गर्ने कम्पनीले जनाएको छ ।
प्लाजा भवनको भुइँ तलामा सिजी मोटर्सको शोरुम छ । पहिलो तलाबाट सिजी डिजिटल शोरुम, सिजी नेट र सिजी फ्रेस सञ्चालन छन् ।

दोस्रो तलामा वित्तीय कारोबारका लागि समर्पित छ । जहाँ नबिल बैंक, युनाइटेड इन्स्योरेन्स कम्पनी र फिनकोका शाखाहरु सञ्चालनमा रहनेछन् । प्रदेश कार्यालय पनि तेस्रो तलामा छ ।

सिजीले निकट भविष्यमा सबै प्रान्तहरुमा सिजी प्लाजा नेटवर्क विस्तार गर्ने योजना बनाएको छ । पोखरास्थित सिजी प्लाजाको उद्घाटन प्रबन्ध निर्देशक निर्वाण चौधरीले बुधबार गरेका हुन् ।