लेखनाथ ।
संक्रामक तथा सरुवा रोग अस्पतालले मिर्गाैला पीडित बिरामीका लागि डायलायसिस सेवा सुरु गरेको छ । गण्डकी प्रदेशका मिर्गाैला रोगीलाई सहज सेवा दिने उद्देश्यले प्रदेश सरकारको सक्रियतामा सेवा आरम्भ गरिएको हो ।

गण्डकी प्रदेशका डाइलाइसिस गर्नुपर्ने बिरामीले चर्को सुल्कमा निजी अस्पतालवाट सेवा लिन वाध्य थिए । अब यो अस्पतालमा उनीहरुले सित्तैमा सेवा पाउने छन् । ३ मेसिनबाट दैनिक १२ जनालाई सेवा दिन थालिएको छ । पहिलो चरणमा परीक्षण स्वरुप साउन २२ गतेदेखि प्रत्येक दिन ३ बिरामीलाई सेवा दिइएको डा सन्दीप ओझाले जानकारी दिए ।

नयाँ मेसिन र नयाँ प्रविधिबाट सित्तैमा सेवा पाएपछि भीमबहादुर गुरुङ, सरस्वती पराजुली र मोतीलाल गुरुङले राहत मिलेको प्रतिक्रिया दिएका छन् । सेवा औपचारिक रुपमा सुरु नभए पनि पहिलो चरणमा दैनिक ३ बिरामीको उपचार गर्दै जाने र परीक्षण अवधिपछि फुल फेजमा मेसिनहरु सञ्चालनमा ल्याइने अस्पतालका कार्यकारी निर्देशक डा विकास गौचनको भनाइ छ ।