लेखनाथ ।
कृष्ण जन्माष्टमीको अवसर पारेर पोखरा ३० को कृष्ण प्रणामी मन्दिर वृद्ध तथा बाल आश्रम सेवा समितिले भगवान कृष्णको रथ यात्रा निकालेको छ ।

धार्मिक रीतिरिवाज अनुरुप सेवा केन्द्रले हरेक वर्ष जस्तै यस वर्ष पनि आश्रमबाट बाजागाजा, भजन कृतन, झाँकी, शोभा यात्रासहित भगवान कृष्णको रथयात्रा गराइएको हो ।

आश्रम परिसरबाट निस्किएको रथ यात्रा पार्वती मन्दिर, त्रिनेत्रश्वर शिव मन्दिर हुँदै शिशुवा बजार हुँदै पुन आश्रममा पुगी धार्मिक सभामा परिणत भएको मूल आयोजक समितिका संयोजक कल्याणकुमार कार्कीले जानकारी दिएका छन् ।

यस पूर्व कार्यक्रमको शुभारम्भ पोखरा महानगरपालिका वडा नम्बर २७ का वडाअध्यक्ष पूर्णकुमार गुरुङले गरेका थिए । रथ यात्रापछिको धार्मिक सभामा विशेष गरी भगवान कृष्णको महिमा र धर्मको महत्व एवं अनुशासनका बारेमा जानकारी गराइएको थियो ।