पोखरा ।
नेकपा एमालेका उपाध्यक्ष तथा संविधान सभाका अध्यक्ष सुवास नेम्वाङको अन्त्येष्टि बिहीबार गरिने भएको छ । उक्त दिन सार्वजनिक विदा दिने निर्णय नेपाल सरकारले गरेको छ । नेम्वाङका छोरा अस्ट्रेलियाबाट बुधबार साँझ नेपाल आइपुगेको हुँदा बिहीबार अन्त्येष्टि गरिने भएको हो ।

पार्टी कार्यालयबाट शव निवासमा लगेर बिहीबार पशुपति आर्यघाटमा अन्त्येष्टि गरिने जनाइएको छ । मन्त्रिपरिषद बैठकले उनको राजकीय सम्मानसहित अन्त्येष्टि गरिने निर्णय गरेको थियो । नेम्वाङको अन्त्येष्टिका दिन सार्वजनिक बिदा दिने सरकारको निर्णय छ । बालुवाटारस्थित निवासमा मंगलबार बिहान हृदयघात भएपछि नेम्बाङको निधन भएको थियो ।

नेम्वाङको पार्थिव शरीरमा प्रधानमन्त्री पुष्पकमल दाहाल, एमाले अध्यक्ष केपी ओली, कांग्रेस सभापति शेरबहादुर देउवा लगायत विशिष्ट व्यक्तित्वहरुले श्रद्धाञ्जली अर्पण गरेका छन् ।