पोखरा ।
पृथ्वी पत्रकारिता पुरस्कार यस वर्ष पत्रकार कृष्ण दवाडीलाई प्रदान गरिने भएको छ । पृथ्वी होटल व्यवसायी समितिले स्थापना र सञ्चालन गर्ने यो पुरस्कारको राशि नगद १० हजार र सम्मानपत्र छ ।

समितिको शुक्रबार हुने ११ औं साधारणसभा तथा छैटौं अविधेशनमा पुरस्कार प्रदान गरिने अध्यक्ष बालकृष्ण निउरेले जानकारी दिए । यो पुरस्कार हरेक २ वर्षमा प्रदान गर्ने गरिएको छ ।

पत्रकारितामार्फत पर्यटन क्षेत्रको प्रवद्र्धनमा योगदान गरेकोमा पुरस्कार प्रदान गर्न लागिएको निउरे बताउँछन् । दवाडी नेपाल पत्रकार महासंघ कास्की कोषाध्यक्ष तथा प्रेस सेन्टर नेपाल, कास्की अध्यक्ष हुन् । डेढ दशकदेखि पत्रकारितामा क्रियाशील दवाडी राष्ट्रिय समाचार समिति र हिमाली आवाजमा आवद्ध छन् ।