केन्ट आरओकाे दसैँ, तिहार अफर

समाधान संवाददाता २०८० असोज ९ गते १६:५०

काठमाडौं ।
ईओएल प्रालि नेपालमा केन्ट उत्पादनहरुका लागि एकमात्र आधिकारिक वितरक सिजी इलेक्ट्रोनिक्स अन्तर्गतको संस्थाले यसपालिको दसैँ, तिहार र छठलाई लक्षित गरी ग्राहक योजना ल्याएको छ ।

भारत र नेपालमा पानी शुद्धीकरणका बजारमा ग्राहकले असाध्यै रुचाएको केन्ट आरओले नेपालको सबैभन्दा ठूलो उत्सव दसैँ र तिहारलाई लक्षित गर्दै ‘यो दसैँ–तिहार, केन्टसँग स्वास्थ्य र शुद्धता अँगालौँ’ भन्ने नारासहित जारी गरेको यस अफरअन्तर्गत केन्टको कुनै पनि आरओ मोडलको खरिदमा सिजी ब्रान्डको भ्याकुम फ्लास्क उपहारस्वरुप प्रदान गरिनेछ ।

यो ग्राहक योजना भदौ २८ गतेदेखि नेपालभर सीमित अवधिका लागि लागू गरिएको छ । प्रत्येक वर्ष लाखौँ नेपाली पानीजन्य रोगले संक्रमित हुन्छन् र हजारौँले आफ्नो ज्यान गुमाउँछन् । पिउनुभन्दा पहिले पानी शुद्ध छ भन्ने कुरा सुनिश्चित गर्नु आवश्यक छ । आरओबाट प्रशोधित पानी स्वस्थ्यका लागि उचित हुने कम्पनीको दाबी छ ।