पोखरा ।
पोखरा १७ छोरेपाटन क्षेत्रको पहिलो सहकारी इन्द्रेणी बचत तथा ऋण सहकारीको १६ औं वार्षिक साधारण सभा शनिबार भएको छ । सभामा कास्की बचत तथा ऋण सहकारी संघ अध्यक्ष भेषराज उपाध्यायले सहकारीहरु नीति, नियम अनुसार चल्न नसक्दा समस्यामा पर्ने गरेको जनाए । उनले सहकारीहरुले तोकिएका नीति, नियमलाई अक्षरंश पालन गर्नुपर्ने जनाए ।

कार्यक्रममा गुप्तेश्वर महादेव गुफा व्यवस्थापन समितिका अध्यक्ष लक्ष्मण बास्तोला, छोरेपाटन माध्यमिक विद्यालय व्यवस्थापन समितिका अध्यक्ष वद्रीनाथ पहारी, समाजसेवी झपिन्द्रराज रेग्मी, गुप्तेश्वर महादेव बहुमुखी क्याक्पसका अध्यक्ष श्रीराम सुवेदी, सल्लाहकारहरु देवराज आचार्य र सुभाष ढुंगाना, सेयर सदस्य सीता बराल, सहकारीका उपाध्यक्ष विन्दु कार्की, शिक्षा उपसमिति संयोजक दीपकराज बराल, सचिव डिल्लीराम शर्मा लगायतले बोलेका थिए ।

सभामा सल्लाहकारहरु भेषराज उपाध्याय र रघुनाथ अधिकारी, लेखा समिति संयोजक प्राडा टंकराज अधिकारी, सञ्चालक समिति सदस्य नानीबाबु ढकाल, समाज कल्याण उपसमिति सदस्य देवीबहादुर थापालाई सम्मान गरिएको छ ।

यस्तै, कारोबारकर्ताहरु भीमबहादुर/अमृता थापा, नेटबहादुर/देवी गुरुङ, दुर्गादत्त/भगवती पोखरेल, छायाँदत्त भट्टराई, हरिप्रसाद लम्साल, रोशनप्रसाद श्रेष्ठ, मोहन खड्का, चित्रबहादुर पौडेल क्षेत्री, रविला शर्मा र लक्ष्मी गोदारलाई सम्मान गरिएको थियो ।

कर्मचारी केशव ढकाल, उत्कृष्ट अंकसहित स्नातकोत्तर, स्नातक र कक्षा १२ उत्तीर्ण सेयर सदस्यका छोराछोरीहरु समेत कार्यक्रममा सम्मानित बने । कार्यक्रम सहकारीका अध्यक्ष सागर अधिकारीको अध्यक्षतामा भएको थियो ।