पाेखरा ।

पश्चिम नेपालमा गएको भुकम्पबाट पीडित भएकाहरुको सहयोगार्थ पोखराको एक अस्पताल र विद्यालयले नगद सहयोय प्रदान गरेका छन् । पोखरा ४ गैह्रपाटनमा रहेका फिस्टेल हस्पिटल एण्ड रिसर्च सेन्टर र कुमुदिनी होम्स माध्यमिक विद्यालयले ३ लाख ३३ हजार ३३३ रुपैयाँ सहयोग गरेका हुन् ।

कुमुदिनी होम्स विद्यालयको तर्फबाट १ लाख ११ हजार १११ रुपैयाँ र फिस्टेल हस्पिटलको तर्फबाट २ लाख २२ हजार २२२ रुपैयाँ गरी कुल ३ लाख ३३ हजार ३३३ रुपैयाँ प्रधानमन्त्री दैवी प्रकोप उद्धार तथा राहात कोषमा जम्मा गरिएको छ । यी दुवै सस्ठाको सञ्चालक समिति अध्यक्ष अशोक पालिखे छन् ।

अध्यक्ष अशोक पालिखेले विपदमा परेका दाजुभाई दिदिबहिनीहरुको लागि राहत तथा पुर्नस्थापनाका लागि सहयोग हाेस् भन्ने हेतुले सो रकम प्रधानमन्त्री दैवी प्रकोप उद्धार तथा राहत सहायता कोषमा जम्मा गरिएको जनकारी दिए ।

२०७२ सालको भूकम्प र कोशी वाढीपिडितहरुको लागि कुमुदिनी होम्स तथा फिष्टेल अस्पतालले राहत सहयोग गरेको पालिखेले स्मरण गरे । उनले भने, कसैलाई अफ्ठेराे परेकाे बेलामा सहयाेग गर्नु मानवताकाे लागि महत्वपूर्ण कुरा हाे । उनले सकेकाे सहयाेग गर्न सबैमा आग्रह पनि गरे।

विपद कतिबेला पर्छ, कतिबेला आउँछ कसैलाई थाहा हुँदैन । यसका लागि सामान्य समयमा पनि विपद परेको बेला तुरुन्त प्रतिकार्य गर्नका लागि आवश्यक परामर्श तालिमको आवश्यक्ता हुने उनले बताए ।