पोखरा ।

नेतृ श्रमिक जिसी नेकपा एकीकृत समाजवादी(एस) प्रवेश गरेकी छन् । पोखरा ४ की बासिन्दा जिसीलाई शुक्रबार एसका अध्यक्ष माधवकुमार नेपालले पार्टीमा स्वागत गरेका हुन् ।

अध्यक्ष नेपालले युवाको प्रतिनिधित्व गर्दै जिसीसहित थुप्रै युवा एकीकृत समाजवादीमा समाहित हुने क्रम जारी रहेको जनाए । उनले सबैलाई पार्टीले उचित जिम्मेवारी दिएर काममा परिचालित गर्ने सुनाए । नेकपा एकीकृत समाजवादीको केन्द्रीय कार्यालय आलोकनगरमा भएको कार्यक्रममा पार्टीका पदाधिकारीहरु उपस्थित थिए ।

शैक्षिक क्षेत्रसहित सामाजिक क्षेत्रमा सक्रिय जिसी गत आम निर्वाचनमा कास्की २ (२)मा स्वतन्त्र उम्मेदवार थिइन् । उनले स्वतन्त्र र परिवर्तन चाहने युवा नभेटेको जनाउँदै युवालाई समाजवादको यात्रासम्म लैजान एकीकृत समाजवादी उपयुक्र्त पार्टी ठानेर यसलाई रोजेको सुनाइन् ।