पोखरा ।
पोखराको नागढुंगामा रहेको चरक मेमोरियल हस्पिटलको ११ औं वार्षिकोत्वको अवसरमा ओपिडी सेवा निःशुल्क हुने भएको छ । मंसिर २१ गते बिहान ११ बजे देखी बेलुकी ४ बजे सम्म ओपिडी सेवा निःशुल्क गरिएको र अन्य सेवाहरु जस्तै भिडियो एक्सरेमा ५० प्रतिशत, प्रयोगशालामा २० प्रतिशत, सिटी स्क्यान तथा एक्सरेमा १५ प्रतिशत, फार्मेसीमा १५ प्रतिशत छुट लगायत अन्य सेवाहरुमा पनि विशेष छुट गरिएको हस्पिटलका प्रबन्ध निर्देशक कपिल पोख्रेलले जानकारी दिए ।

वार्षिकोत्वको दिन बिहान हस्पिटल प्राङ्गणमै रक्तदान कार्यक्रम र बेलुकी लेकसाइडस्थित वरपीपल रिसोर्टमा वार्षिकोत्सव कार्यक्रम राखिएको निर्देशक पोख्रेलले बताए । पोखराको नागढुंगामा अत्याधुनिक सुविधा सम्पन्न भवनसहित चरक मेमोरियल हस्पिटलमा हाडजोर्नी, नशा तथा मेरुदण्डका समस्या, सुगर थाइराइड सम्बन्धी समस्या, मुटु, ब्लडप्रेसर, महिला तथा प्रसूति, बाल रोग, पेट, छात्ति, फोक्सो, पत्थरी, हर्निया, पायल्स, फिसर, फिस्टुला सम्बन्धी उपचार भइरहेकाले वार्षिकोत्सवको विशेष छुटमा सहभागी हुन हस्पिटलले सबैमा आग्रहसमेत गरेको छ ।