पोखरा ।
पारामाउन्ट पब्लिक स्कुलले रजत जयन्ती तथा अभिभावक दिवस मनाएको छ । कार्यक्रममा गण्डकी विश्वविद्यालयका कुलपति प्राडा गणेशमान गुरुङले शिक्षाको महत्व र नेपालमा शिक्षको अवस्थाबारे प्रकाश पारे ।

दिलमाया गुरुङको अध्यक्षतामा शनिबार भएको वार्षिकोत्सवमा विद्यालयका प्रधानाध्यापक श्रीमान गुरुङले कार्यक्रमले विद्यार्थी, शिक्षक, अभिभावकमा नयाँ ऊर्जा थप्ने विश्वास व्यक्त गरे । अभिभावकको सहयोगले, विद्यार्थीको मेहनत र शिक्षकको लगावले गुणस्तरीय शिक्षा दिने सकिने जनाए ।

समारोहमा प्राडा गुरुङ र शिक्षा विकास तथा समन्वय इकाइ कास्की प्रमुख लोकनाथ आचार्यले विद्यालयको स्मारिका सार्वजनिक गरे । गत वर्षको वार्षिक परीक्षामा उत्कृष्ट नतिजा ल्याउने विद्यार्थीहरु कार्यक्रममा पुरस्कृत बने ।

प्याब्सन कास्कीका अध्यक्ष मथुराप्रसाद पौडेल र अभिभावक लक्ष्मण गुरुङले पनि कार्यक्रममा बोलेका थिए ।