पाेखरा ।

सत्ता गठबन्धनमा राष्ट्रिय सभा सदस्यको भागबण्डाका लागि रस्साकस्सी भैरहदा कसको भाग कता कता पर्ला भन्ने काैतुहलता स्वभाविकै थियो । जिल्ला र प्रदेशबाट सिफारिस भएर गएकाहरुकाे भाग्य गठबन्धनको बैठकले निर्धारण गर्दै थियो ।

यसैबीचमा आइतबार विहान खबर सार्बजनिक भयो– गण्डकीबाट रिक्त भएकाे अपाङ्ग कोटा मा माओवादीको भागमा पर्याे । याे कोटा माओवादीका भागमा परे पछि कास्कीकी गोमा घिमिरे रुची सांसद बन्ने पक्का जस्तै थियो । पार्टीको जिल्ला देखि प्रदेश र केन्द्रसम्म सबै रुचीलाई सांसद बनाउन सहमत जस्तै थिए ।

माओवादी युद्धकै दाैरानमा भिडन्तमा परी एउटा खुट्टा गुमाएकी रुची निरन्तर पार्टीमा क्रियाशिल छन् । शान्ति प्रकृयापछि माओवादी खुल्ला राजनीतिमा आएपछि गाेमाले पोखरामा सकृय पत्रकारिता गरेकी थिइन । एक माओवादी नेताका अनुसार उनै घाइतेलाई सांसद बनाएर तत्कालिन घाइतेहरुकाे मन खुशी बनाउने योजनामा पार्टी नेतृत्व थियाे ।

तर भागबण्डा एकाएक फेरिएछ । गण्डकीबाट अपाङ्ग कोटा कांग्रेसकाे भागमा गयो र रुचीकाे सांसद पद मुखबाटै खोसियो । अपाङ्गकाे सट्टा माओवादीको भागमा महिला कोटा पर्यो । जसका कारण पर्वतकी मनरुपा शर्मालाई चिठ्ठा परे जस्ताे भयो । उनी पनि सहिद परिवार सदस्य हुन । सानै उमेर देखि जनयुद्धमा होमिएकी मनरुपाका श्रीमान युद्धकै क्रममा मारिएका थिए ।