पोखरा ।
गण्डकी प्रदेश जिम्न्यास्टिक संघको शनिबार भएको भेलाले योगेन्द्र गुरुङको अध्यक्षतामा तदर्थ समिति गठन गरेको छ । समितिको उपाध्यक्ष राजु केसी, सचिव प्रकाशचन्द्र सापकोटा, कोषाध्यक्षमा राजु कायस्थ र सहकोषाध्यक्षमा वीनिता केसी छन् ।
समितिका सदस्यमा सुशीला श्रेष्ठ, निरज राम्जाली, अनिष श्रेष्ठ, प्रवेश पौडेल, कृष्णमोहन श्रेष्ठ, थमन थापा, विनोद गुरुङ र रविन्द्र तझ्या छन् । दुइ सदस्यपछि मनोनित हुने छन् ।

कार्यक्रममा नेपाल जिम्न्यास्टिक संघका केन्द्रीय अध्यक्ष तथा संघीय सांसद धुव्रबहादुर प्रधानले जिम्न्यास्टिक सबै खेलको पनि खेल भएको बताउँदै सोचे अनुरुपमा अझै विकास गर्न नसकिएको प्रष्ट पारे । उनले यस प्रदेशको जिम्न्यास्टिकलाई उकास्नका लागि प्रदेश समितिलाई निरन्तरताका साथ लाग्न सुझाव दिए ।

गण्डकी प्रदेशका पूर्व खेलकुद मन्त्री प्रदेश सांसद राजीव गुरुङले सबैको साथ र सहयोगले जिम्न्यास्टिक खेललाई अगाडि बढाउन सुझाव दिए । प्रदेश खेलकुद परिषद गण्डकी प्रदेशका सदस्य सचिव श्रीधर शर्माले यस प्रदेशको खेल क्षेत्र विकासका लागि प्रदेश खेलकुद परिषद योजनाका साथ अगाडि बढेको बताए ।

कास्की जिल्ला जिम्न्यास्टिक संघका अध्यक्ष सोमबहादुर शाहीको अध्यक्षतामा भएको कार्यक्रममा नेपाल जिम्न्यास्टिक संघका केन्द्रीय सदस्य विनोद शेरचन, कास्कीका सल्लाहकार केशवशरण पौडेल र कास्की सचिव प्रकाशचन्द्र सापकोटाले बोलेका थिए ।