पोखरा ।
पोखराको सिमलचौरस्थित जनप्रिय मावि २०४९ ब्याचका भूपू विद्यार्थीको समूहले चापाकोट औसेलुचौरस्थित पञ्चकोशी आधारभूत विद्यालयलाई ५० हजार रुपैयाँ बराबरका शैक्षिक सामग्री सहयोग गरेको छ ।

समूहले कम्प्युटरसहित कापी, कलम, झोला लगायतका सामग्री सहयोग गरेको हो । अध्यक्ष चन्द्र गिरीले विद्यालयका पूर्व शिक्षक कुलप्रसाद अधिकारी, व्यवस्थापन समितिका पूर्व अध्यक्ष यज्ञप्रसाद तिमिल्सिना लगायतलाई ती सामग्री हस्तान्तरण गरे । अध्यक्ष गिरीले आर्थिक अवस्था कमजोर भएका विद्यालय तथा विद्यार्थीलाई शैक्षिक सहयोग गर्ने उद्देश्यका साथ समूह गठन गरिएको बताए ।

विद्यालयका प्रधानाध्यापक गंगाधर चापागाईले समूहको यो सहयोग विद्यालय र विद्यार्थीका लागि निकै सहज हुने जनाए ।