पोखरा ।
बाराही हस्पिटालिटीद्वारा सञ्चालित विभिन्न होटल तथा रेस्टुरेन्टमा भ्यालेनटाइन डे (प्रणय दिवस) को अवसर पारेर विभिन्न छुट तथा अफर घोषणा भएको छ । काठमाडौंको होटल बाराहीले भ्यालेन्टाइन डेका दिन आफ्ना प्रिमियम ग्राहकलाई ६ थरी खानाका साथै वेभरेजसमेत दिनेछ ।

१२ हजार तिरेर हरेक जोडीले यसको मज्जा लिन सक्ने छन् । स्ट्यान्डर्ड ग्राहकका लागि इन्टरनेसनल बफेट, स्पार्कलिन रोजसहितको मज्जा जोडीले ७ हजार रुपैयाँमै लिन पाउनेछन् । होटलमा बुक गर्नेमध्ये केहीलाई गिफ्ट ह्याम्परसमेत दिइनेछ ।

बाराही जंगल लजमा फेब्रुअरी १४ मा ७ हजार रुपैयाँमा बफेटको सुविधा दिइनेछ । बेभरेजमा १५ प्रतिशत छुट रहेको लजले जनाएको छ । भ्यालेन्टाइन डेमा जोडीसहित सौराहा जाने पाहुनालाई लजले ‘टेस्ट अफ लभ’ कार्यक्रम अन्तर्गत रोमान्टिक क्यान्डल लाइट डिनर, कल्चरल डान्स, लाइभ म्युजिकल पफर्मेन्स, अन्लिमिटेड स्न्याक्स लगायतको व्यवस्था गरेको छ ।

हस्पिटालिटी अन्तर्गत पोखरामा रहेको होटल बाराहीले भ्यालेन्टाइन डेको अवसरमा क्यान्डल लाइट डिनरको प्याकेज सार्वजनिक गरेको छ । विशेष दिनमा आफ्ना विशेष मान्छेसँग पोखरामा लालटिनमा बलेको बत्तीसँगैको रोमान्टिक डिनरका लागि होटलले प्रतिजोडी ७ हजार रुपैयाँमै व्यवस्था गर्ने छ । जसमा ६ विभिन्न परिकार तथा मायाका भाव अंकित केकको समेत व्यवस्था हुनेछ ।

सारङकोट माउन्टेन लजले भ्यालेन्टाइन डेका दिन ‘रोमान्टिक डिनर’मा रमाउने व्यवस्था गरेको छ । विभिन्न प्रकारका भ्यालेन्टाइन्स मेनुसहित होटलले यस्तो अफर सार्वजनिक गरेको हो । पोखराकै होटल आवास पोखराले भ्यालेन्टाइन स्पेसल अफर सार्वजनिक गरेको छ । जसमा डिलक्स रुम, रिमभित्रै ब्रेकफास्ट, क्यान्डल लाइट डिनर लगायतका विशेषता छन् । प्रति जोडीका लागि ८ हजार रुपैयाँ शुल्क कायम गरिएको यो प्याकेज भ्यालेन्टाइन सप्ताहभर लागि मान्य हुनेछ ।