पोखरा ।

श्रीपञ्चमीको अवसरमा माउन्ट अन्नपूर्ण मावि पोखरामा सरस्वती पूजा एवं बालबालिकालाई अक्षरारम्भ गराइएको छ ।
कार्यक्रममा आजको शिक्षा प्रणाली बालमनोविज्ञानमा आधारित हुनुपर्ने प्रचार्य सईन्द्र श्रेष्ठले बताए । उनले विद्यालयले बालमनोविज्ञानमा आधारित आधुनिक शिक्षा प्रणालीमा विशेष जोड दिएको उल्लेख गरे ।

विद्यालयका प्रमुख लेखापाल नवराज पौडेलले कर्ता रहेको पूजामा विधालय सञ्चालक समितिका अध्यक्ष एसपी प्रधानांग, पूर्व अध्यक्ष चिजकाजी गुरुङ, शैक्षिक निर्देशक अशोक श्रेष्ठ, प्रशासक चित्र गुरुङ, शिक्षक, कर्मचारी, अभिभावक साथै स्थानीय सहभागी थिए ।