पोखरा ।

पोखरा ३० गगनगौंडा रहेको गगनगौंडा भूपू खानेपानी तथा सरसफाइ समितिको २४ औँ वार्षिक साधारण भएको छ । सभामा पोखरा ३० का वडाध्यक्ष दुर्गाप्रसाद सुवेदीले सहरीकरण र बसाइसराइका कारण सफा र शुद्धपानी पिउनको पहुँच चुनौतिपूर्ण बन्दै गएको जनाए ।

समिति अध्यक्ष राजु खत्रीको अध्यक्षतामा भएको सो कार्यक्रममा लेखनाथ खानेपानी उपभोक्ता संस्थाका अध्यक्ष मुरारी शर्मा, खानेपानी तथा सरसफाइ डिभिजन कार्यालयका स्याङ्जाका कार्यालय प्रमुख कमल बराल, रुपा बहुउद्देश्यीय सहकारी संस्थाका अध्यक्ष गणेश खत्री, संस्थाका पूर्व सल्लाहकार तीर्थराज पराजुली, संस्थाका उपाध्यक्ष कृष्णप्रसाद पौडेल, गगनगौडा टोल विकास संस्थाकी अध्यक्ष चन्द्रमाया थापा, गगनगौँडा टोल सुधार समिति अध्यक्ष देवराज पन्थी, सचिव प्रेमबहादुर थापा लगायतले बोलेका थिए ।

२०५६ मा स्थापना भई सञ्चालित गगनगौडा भूपू खानेपानी तथा सरसफाइ समितिमा २ सय ५० घरधुरी आवद्ध छन् ।