पोखरा ।
दर्शन सहकारी तथा ऋण संस्था लिमिटेड पोखरा १४ औं वर्षमा प्रवेश गरेको छ । संस्थाले १४ औं स्थापना दिवस सोमबार अमोर बालगृह सेवा कटुजे स्वारा, फेदीखोलामा सहयोग हस्तान्तरण कार्यक्रम गरी मनाएको छ ।

कार्यक्रममा दर्शन सहकारीको संस्थापक अध्यक्ष तथा प्रमुख सल्लाहकार खिमबहादुर शाहीले सहकारी गौरव लाग्दो र राम्रो सहकारी बनाएर सेवा प्रदान गर्न आवश्यक रहेको बताउँदै कार्यसमितिलाई आ–आफ्नो जिम्मेवारी बहन गर्न अनुरोध गरे ।

दर्शन सहकारीका अध्यक्ष राजाराम शाही ठकुरीले छरिएर रहेको पुजिलाई एकीकृत गर्दै लैजाने सोचले सहकारीको स्थापना गरिएको बताए । कार्यक्रममा संस्था निवर्तमान अध्यक्ष विष्णुकुमारी उच्चै, सल्लाहकार गया शाही ठकुरी, प्रबन्धक फम सिंह लगायतले शुभकामना मन्तव्य व्यक्त गरेका थिए । दर्शन सहकारी संस्थाका अध्यक्ष राजाराम शाहीको अध्यक्षतामा सम्पन्न कार्यक्रममा स्वागत उपाध्यक्ष लक्ष्मण मल्ल र सचिव ज्योति हमालले सञ्चालन गरेकी थिइन् ।