पोखरा ।
पोखरा महानगरपालिका वडा नं. ७ स्थित समाजसेवा युवा क्लबको अध्यक्षमा मधु अधिकारी निर्वाचित भएका छन् । क्लबको शनिबार भएको १६ औं साधारणसभा तथा सातौं अधिवेशले अधिकारीको अध्यक्षतामा सर्वसम्मत समिति चुनेको हो ।

क्लब उपाध्यक्षमा मनिष ओस्था र युद्ध बराल, सचिव दीपिका पराजुली, सहसचिव अस्मित बराल र कोषाध्यक्षमा रजत आचार्य छन् । सदस्यमा राजु बराल, सुमन पौडेल, मनु बराल, पुष्कर बराल, सविन परियार, अंकित बराल, दिपेश अधिकारी, सुजन बराल र गंगा बराल छन् । क्लबको संरक्षकमा रमेशप्रसाद बराल छन् ।

शंकरप्रसाद बराल, प्रमोद पौडेल र झलकप्रसाद बराल रहेको निर्वाचन मण्डलले नयाँ कार्यसमिति चयन गर्न सहजीकरण गरेका थिए । कार्यक्रममा वडाध्यक्ष राममोहन आचार्यले क्लबलाई वडाको तर्फबाट भरपुर साथ र सहयोग रहने जनाए । वडा सदस्य अर्जुनबहादुर थापाले लामो इतिहास बोकेको संस्थालाई चुस्त, दुरुस्त राख्दै समाजमा क्रियाशील हुन आग्रह गरे ।

क्लबका पूर्वअध्यक्ष अंकित बरालले सबैलाई एकजुट गराएर अघि बढ्न सुझाव दिए । समाजसेवी शोभाचन्द्र बरालले सक्रिय भएर समाजमा सकारात्मक सन्देश फैलाउनुपर्ने बताए । क्लब अध्यक्ष परिवेश रेग्मीको अध्यक्षतामा कार्यक्रम भएको हो ।