पोखरा ।

गण्डकी प्रदेशका प्रदेश प्रमुख डिल्लीराज भट्टले सरकार गठन गर्न आह्वान गरेका छन् । मुख्यमन्त्रीबाट बुधबार सरेन्द्रराज पाण्डेले राजीनामा दिएपछि नयाँ सरकार गठन गर्न प्रदेश प्रमुख भट्टले आह्वान गरेका हुन् ।

प्रदेश प्रमुखले नयाँ सरकार गठन गर्न संविधानको धारा १ सय ६८ को उपधार २ अनुसार आह्वान गरेका हुन् । भट्टले जारी गरेको विज्ञप्तिमा भनिएको छ, ‘संविधानको धारा १ सय ६८ को उपधारा २ अनुसार दुई वा दुई भन्दा बढी दलहरुको समर्थनमा बहुमत प्राप्त गर्न सक्ने प्रदेश सभा सदस्यलाई मिति २०८० चैत २७ गते मंगलबार दिउँसो ३ बजेभित्र गण्डकी प्रदेशको मुख्यमन्त्री पदमा नियुक्ति गर्ने दाबी पेश गर्न आह्वान गर्छु ।’