पोखरा ।
सहारा बाल आधारभूत विद्यालयलाई पोखरा १७ विरौटाका समाजसेवी सुवेदारनी धन कुमारी गुरुङले ४३ इन्चको स्मार्ट टेलिभिजन हस्तान्तरण गरेकी छिन् । नर्सरीमा पढ्ने बालबालिकालाई प्रविधीमैत्रीरुपमा अध्यापनगर्न सहज हुने हेतुले टेलिभिजन सहयोग गरिएको गुरुङले बताइन् ।

गुरुङले विद्यार्थीको उज्वल भविष्यको कामना सहित आशिर्वाद दिएकी थिइन् । । गुरूङ सञ्चारकर्मी, व्यवसायी सपना गुरुङकी आमा हुन् । पोखरा ९ का वडा अध्यक्ष दिपेन्द्र मर्सानीको प्रमुख आतिथ्यमा सम्पन्न कार्यक्रममा विद्यालयका प्रधानाध्यापक लोचना कुमारी अधिकारीले स्वागत मन्तव्य राखेकी थिइन् ।

वडाध्यक्ष मर्सानीले विद्यालयको शैक्षिक एवम् भौतिक अवस्थाको बारेमा चासो राख्दै गुरुङ परिवारलाई धन्यवाद दिए ।

साथै सो विद्यालयको नर्सरी कक्षा र बैठक कक्षमा कार्पेट वडा कार्यलयले व्यवस्था गरेकोमा विद्यालय व्यवस्थापन समितिका अध्यक्ष विक्रम थकालीले सम्पूर्ण दाताहरुको सहयोगले विद्यालय अझ माथि पुग्ने धारणा राखे ।

कार्यक्रममा वडा सदस्य नन्दराम गिरी, पत्रकार एवम् विद्यालयका अक्षयकोष दाता सुदर्शन रञ्जित, सपना गुरुङ, विद्यालय व्यस्थापन समिति सल्लाहकार विष्णु सुवेदीको उपस्थिति थियो । कार्यक्रम सञ्चालन विद्यालयका शिक्षक सुदिप कोइरालाले गरेका थिए ।