पोखरा ।

विश्व अभिभावक दिवसको अवसरमा पोखरा १७, बिरौटामा अवस्थित बालोदय माविले कक्षा नर्सरीदेखि १० सम्मका विद्यार्थीका अभिभावकहरूका लागि अभिभावक शिक्षा कार्यक्रम सम्पन्न गरेको छ ।

कार्यक्रमको सहजीकरण लेखक, प्रेरक वक्ता एवं प्रशिक्षक रवि किरणले गरेका थिए । कार्यक्रममा नर्सरीदेखि कक्षा १० सम्मका करिब ११०० जना अभिभावकहरूको उपस्थित थियो ।

बालबालिकाको सिकाइ बालबालिका स्वयं, विद्यालय र अभिभावक बिचको त्रिकोणात्मक सम्बन्धबाटमात्र सम्भव हुने र उनीहरुको सिकाइमा अभिभावकको भूमिका अझ बढी महत्वपूर्ण रहने भएकाले यस्तो कार्यक्रमको आयोजना गरिएको विद्यालयका प्राचार्य टेकनाथ पौडेलले बताए ।

उनले कार्यक्रमबाट प्राप्त ज्ञान, सीप र धारणा दैनिक जीवनमा कार्यान्वयनमा ल्याउन सकेमात्र कार्यक्रम अर्थपूर्ण रहने बताए ।