पोखरा ।

पोखरा इन्जिनियरिङ कलेजको स्वतन्त्र विद्यार्थी परिषद (स्वविप) ले आयोजना गरेको यन्त्र इन्जिनियरिङ तथा आर्किटेक्चर फेस्टिबल शनिबार आरम्भ भएको छ ।

कार्यक्रममा स्वविप सभापति विराट सिक्देल, इन्जिनियर कृष्ण घिमिरे, चिजकाजी गुरुङ, डा शैलेश गुरुङ, इन्जिनियर देउकाजी गुरुङ, सुभाष पण्डित, मुस्कानरज गौतम लगायतले मन्तव्य दिएका थिए । वक्ताहरुले यस कार्यक्रमले विद्यार्थीहरुमा आफूले पढेको प्राविधिक ग्यानलाई व्यावहारिक रुपमा प्रदर्शनी गर्ने फोरमको रुपमा यन्त्रको विकास भएको बताए । त्यसै गरेर प्राविधिक प्रदर्शनीबाहेक साहित्य र सांगीतिक कर्यक्रमले विद्यार्थीभित्र लुकेर रहेका विविध प्रतिभाको प्रष्फुटन हुने हुनाले यसको समीश्रणले फेस्टिभल अझ ओझिलो भएको बताए ।

फेस्टिभलमा अर्किटेक्चर र इन्जिनियरिङका प्रदर्शनीहरु, टक शो, प्यानेल डिस्कसन, ह्याक्थोन प्रतियोगिता, पब्जी गेम प्रतियोगिता, अन्तर कलेज विभिन्न खेल प्रतियोगिता, चेस प्रतियोगिता, फुड स्टलहरु, साहित्यिक र सांगीतिक साँझ राखिएको छ ।

समुदघाटन कार्यक्रम कलेज व्यवस्थापन समितिका अध्यक्ष श्रीमती हीरा गुरुङको प्रमुख अतिथ्यता र स्वविपका सभापति विराट सिग्देलको सभापतित्वमा सम्पन्न भएको हो । कार्यक्रम सञ्चालन सचिव मिलन डुम्रे र कृति वाग्लेले गरेका थिए ।