पोखरा ।
सिद्धार्थ क्लब पोखराले पोखरा ८ सिमलचौर स्थित जनप्रिय माविलाई अक्षयकोषमा रकम हस्तान्तरण गरेको छ । कार्यक्रममा क्लबका अध्यक्ष इन्दिरा मर्सानी श्रेष्ठले विद्यालय व्यवस्थापन समिति अध्यक्ष परशुराम बराललाई १ लाखको चेक हस्तान्तरण गरिन् ।

कार्यक्रममा पोखरा ८ का वडाध्यक्ष रुद्रनाथ बरालले सिद्धार्थ क्लबका सामाजिक कार्यको प्रशंसा गर्दै वडा कार्यालयसँग समन्वय बढाउन आग्रह गरे ।

कार्यक्रममा सभाध्यक्ष ईन्दिरा मर्सानी श्रेष्ठले क्लबले विद्यालयका जेहेन्दार, सीमान्तकृत, आर्थिक अवस्था कमजोर र विपन्न वर्गका विद्यार्थीको शैक्षिक अवस्था सुधार गर्न सहयोग पु¥याउने उद्देश्यका साथ अक्षयकोषमा रकम हस्तान्तरण गरिएको जानकारी दिइन् ।

विद्यालय व्यवस्थापन समिति अध्यक्ष परशुराम बराल, प्रधानाध्यापक देवीप्रसाद बस्ताकोटी, क्लबका सचिव विनोदप्रसाद श्रेष्ठ, निर्देशक रवि मर्सानी लगायतले कार्यक्रममा बोलेका थिए ।