पोखरा । आन्तरिक राजस्व कार्यालय पोखराले आर्थिक वर्ष २०८०/८१ मा ५ अर्ब ५७ करोड ५५ लाख राजस्व संकलन गरेको छ।

जुन निर्धारित वार्षिक लक्ष्य ६ अर्ब ३९ करोड ४७ लाख को ८७.१९ प्रतिशत हो । कार्यालयको अघिल्लो वर्षको तुलनामा ७ प्रतिशतले राजस्व वृद्धि भएको छ ।

आर्थिक वर्ष २०७९/८० को भन्दा ३४ करोड ९५ लाख बढी राजस्व संकलन भएको छ प्रमुख कर अधिकृत शिव शर्माले बताए ।  

आन्तरिक राजस्व कार्यालय पोखराले आर्थिक वर्ष २०८०/८१ मा आयकरतर्फ कूल ३ अर्ब ६६ करोड ८७ लाख, मूल्य अभिवृद्धि कर तर्फ १ अर्ब ७३ करोड ३६ लाख र अन्तः शुल्कतर्फ १६ करोड ६७ लाख राजस्व संकलन गरेको छ ।