पोखरा । पोखरा उद्योग वाणिज्य महासंघको महाधिवेशन भदाै २८ र २९ गते पोखरामा हुने भएको छ । मंगलबार बसेको कार्यसमितिको बैठकले महाधिवेशनको मिति तय गरेको हो ।

महाधिवेशनअन्तर्गत भदौ २९ गते हुने निर्वाचन कार्यक्रमको लागि पूर्वअध्यक्ष कृष्णमोहन श्रेष्ठलाई निर्वाचन संयोजकको जिम्मेवारी प्रदान गरिएको छ। 

महाधिवेशनले नयाँ नेतृत्व चयन गर्ने छ । गएको अधिवेशनमा अर्जुन पोख्रेललाई हराउँदै पवन प्रजापति अध्यक्षमा विजयी भएका थिए ।

अधिवेशनको मिति तय भएसँगै वर्तमान उपाध्यक्ष गोकर्ण कार्कीले अध्यक्ष पदमा उम्मेदवारी दिने बताएका छन् । आफू अध्यक्ष पदको स्वभाविक उम्मेदवार भएकाले चाँडै टिम घोषणासहित निर्वाचनमा सहभागी हुने बताएका छन् ।