पोखरा ।
लायन्स क्लब अफ पोखरा मर्दीले पोखरा ६ बैदाममा रहेको केदारेश्वर मन्दिरमा सरसफाइ बोट बिरुवा गोडमेल गरेको छ ।
मन्दिरको गेटदेखी मन्दिरसम्म गरिएको सरसफाइमा पाँच बोरा फोहोर संकलन भएको छ ।

क्लबको वार्षिक योजना अनुसार सरसफाइ र बिरुवाको संरक्षण गरेको क्लबका अध्यक्ष श्याम भुषालले जानकारी दिए ।

उनले मन्दिरमा सोमबार आएका भक्तजनका कारण फोहोर भएकाले मंगलबार बिहान सरसफाइ गरिएको उनको भनाइ छ ।
मुख्य गरी प्लास्टिक लगाएतका फोहोर संकलन गरिएको भुषालले बताए । मन्दिर, पानीका मुलहरु, घर वरपर सरसफाइ गर्नुपर्ने सिजन अहिले भएको उनले बताए ।

अघिल्लो वर्षहरुमा लगाइएका बिरुवा गोडमेल गरेको र १२ वटा बिरुवालाई टिगार्ड लगाइएको क्लबका सचिव उमाकान्त रिजालले जानकारी दिए ।

कार्यक्रममा डिष्टिक जोन चियरपर्सन मनोजकुमार अधिकारीले बिरुवाको गोडमेल गर्दै बिरुवा लगाएर मात्रै नहुने, त्यसलाई हुर्काउनु ठुलो कुरा भएको बताए ।