पोखरा ।
नेपाल एसोसिएसन अफ टुर एन्ड ट्राभस एजेन्टस् नाट्टा गण्डकीको अध्यक्षमा किशोर दाहाल निर्विरोध निर्वाचित भएका छन् । मंगलबार भएको अधिवेशनले दाहालको नेतृत्वमा नयाँ कार्यसमिति चयन गरेको हो । समितिको महासचिव चेतबहादुर कार्की, सचिव नवराज भण्डारी, सह–कोषाध्यक्ष सन्दीप श्रेष्ठ चयन भएका छन् । उनीहरू सर्वसम्मत निर्वाचित भएका हुन् ।

अरु पदमा निर्वाचन भएको थियो । प्रथम उपाध्यक्षमा संगीता पौडेलले प्रतिस्पर्धी कमला गिरीलाई पराजित गरेकी छिन् । संगीताले ८२ मत प्राप्त गर्दा कमलाले ४२ मत मात्रै पाइन् । द्वितीय उपाध्यक्षमा राजेश पहारी ६५ मत सहित विजयी भए । उनका निकटतम प्रतिस्पर्धी विश्वराज आचार्यले ६२ मत प्राप्त गरे ।

कोषाध्यक्षमा सुवास पहारी ८६ मत ल्याएर विजयी हुँदा निकटतम प्रतिस्पर्धी सुशीला सिग्देलले ४० मत प्राप्त गरिन् । सदस्यहरुमा प्रतीक लामिछाने (१०२ मत), छवि रमण पौडेल (९९ मत), पदमराज आचार्य (८५ मत), विजय पौडेल (८१ मत) र तुलबहादुर गुरुङ (७१ मत) विजयी भए । समितिको ५ सदस्य पदका लागि ७ जना चुनावी प्रतिस्पर्धामा थिए ।