लेखनाथ ।
पोखरा महानगरपालिका वडा नम्बर २६ मा रहेको नेपाल मगर संघ बुढीबजार इकाई समितिको ११ औं वार्षिक साधारण सभा सम्पन्न भएको छ ।

साधारण सभाको उद्घाटन गर्दै नेपाल मगर संघ कास्कीका अध्यक्ष रामबहादुर थापाले आफनो भाषा र संकृतिको रक्षाका लागि फुटेर होइन जुटेर अगाडि बढ्न आग्रह गर्दै बुबाआमाको पेन्सनमा बाच्ने प्रवृत्तिको अन्त्ये गरी हरेक युवालाई उत्पादनसँग जोडनका लागि एक ईकाइ एक उत्पादनको अवधारणाले अगाडि बढ्न सक्नुपर्नेमा जोड दिएका थिए ।

नेपाल मगर संघ कास्कीका सचिव लालबहादुर रानाले नयाँ पुस्तालाई सामाजिक क्षेत्रमा अग्रसर गराउनुपर्ने औंल्याए ।

नेपाल मगर संघ बुढीबजार ईकाइ समितिका अध्यक्ष रामबहादुर रानाको अध्यक्षतामा भएको कार्यक्रममा संस्थापक अध्यक्ष यमबहादुर थापा मगर, पूर्व अध्यक्ष गणेशबहादुर आले, ईकाइ समितिका सल्लाहकार भोजबहादुर थापा र निर्वतमान उपाध्यक्ष भीमकुमारी सारु लगायतले मन्तव्य राखे । कार्यक्रम सञ्चालन सचिव दल वहादुर मगरले गरेका थिए । स्वागत मन्तव्य उपाध्यक्ष कृष्णकुमारी थापा मगरले राखिन् ।