पोखरा ।
चाडपर्वमा सफल दही एकदम सहि नारासहित सुजल डेरीको उत्पादन सफल दही उपभोक्ता माझ ल्याइएको छ ।
स्वाद, स्वास्थ्य र सन्तुष्टिले भरिएको दहीले चाडपर्वलाई अझ विशेष बनाउन सहयोग गर्ने कम्पनीको भनाइ छ ।

कम्पनीले शुद्ध गाई तथा भैँसीको दूधलाई उच्चस्तरीय प्रविधिद्वारा प्रशोधन गरि बनाइएको बाक्लो र मलायदार सफल दही उपभोगमा सजिलो एवं छिटो हुने जानकारी गराएको छ ।

‘तपाईं र तपाईंको परिवारको सन्तुलित आहारको लागि स्वाद, स्वास्थ्य र सन्तुष्टिले भरिएको सफल दही, एकदम सही छ,’ कम्पनिले भनेको छ, ‘खाँदा मिठो र स्वास्थ्यको लागि फाइदाजनक हुनु यसको विशेषता हो ।

दहीमा रहेको क्याल्सियम, प्रोटिन र भिटामिले हुर्कँदै गरेका बालबालिकादेखि वयस्क र वृद्धवृद्धालाई पनि उत्तिकै लाभ पुर्‍याउने कम्पनिको भनाइ छ । दही सेवनले रोग प्रतिरोधात्मक क्षमता बढाउने पनि दाबी गरिएको छ । व्यस्त दैनिकीमा रहेका गृहिणीलाई दैनिक खानासँगै सफल दही मिसाउन पनि सुझाएको छ ।

सुजल डेरीको उत्कृष्ट उत्पादन सफल दही १८ वर्षदेखि पोखरा र वरपरका क्षेत्रमा लोकप्रिय रहँदै आएको छ ।
चाडपर्वको मिठासमा सफल दहीको समवेशले पर्व अझै स्वास्थ्यप्रद र आनन्दमय बन्ने कम्पनिले विश्वास व्यक्त गरेको छ ।

सफल ब्रान्डले ’सफल दही’ सुगर फ्री पनि उपलब्ध गराएको बताएको छ । सुगर फ्री मधुमेह रोगी, गुलियो कम मनपराउने व्यक्तिहरू, स्वास्थ्य सचेत मानिसहरू, र स्वस्थ जीवनशैली अपनाउन चाहने, सबैका लागि उत्कृष्ट विकल्प रुपमा रहेको कम्पनिको भनाइ छ ।

कम्पनिका अनुसार सफल सादा दही (सुगर फ्री) आधा लिटर प्याकेटलाई ८५, आधा लिटर बट्टालाई १०० र १ लिटर बट्टालाई १९० रुपैँया पर्छ ।