पोखरा ।

पोखरा पर्यटन परिषदको अध्यक्षमा तारानाथ पहारी चयन भएका छन् । परिषदको बुधबार पोखरामा भएको २४ औं वार्षिक साधारण सभा तथा १३ औं अधिवेशनबाट गाउँ पर्यटन प्रवद्र्धन मञ्च नेपाल (भिटोफ) गण्डकी प्रदेशका संस्थापक अध्यक्ष पहारी अध्यक्ष चुनिएका हुन् ।

२ वर्षे कार्यकालको लागि निर्वाचित परिषदका सदस्यमा हरि भुजेल, चौबहादुर गुरुङ, बाबुराम पाण्डे, निम मगर, जीवन सापकोटा र नारायण सुवेदी छन् । अन्य पदाधिकारीसहित थप ३ सदस्य पछि चयन हुने छन् ।

कार्यक्रममा गण्डकी प्रदेशका सामाजिक विकास तथा स्वास्थ्य मन्त्री विन्दुकुमार थापाले पोखरामा पर्यटकको बसाई अवधि लम्बाउन वाटर स्पोट्र्ससम्बन्धी गतिविधि गर्नुपर्नेमा जोड दिए ।

समारोहमा पोखराका अग्रज पर्यटन व्यवसायी हरिप्रसाद पौडेललाई सम्मान गरिएको छ । होटल बाराहीसहित नेपालको पर्यटन क्षेत्रमा विभिन्न ठाँउमा पर्यटन क्षेत्रमा लगानी गरी पर्यंटन क्षेत्रमा उल्लेखनीय योगदान गरेकोमा पौडेललाई सम्मान गरिएको हो ।