पोखरा ।
सामुदायिक सेवा एवं सामुदायिक प्रहरी सेवा जिल्ला समन्वय समितिले सामाजिक विकृतिविरुद्ध तीज गीत प्रतियोगिता गरेको छ । समाजमा रहेका विकृति, विसंगति न्यूनीकरण गर्न तीजको अवसरमा खुला तीजगीत प्रतियोगिताको आयोजना गरिएको हो ।

प्रतियोगितामा लागुऔषध सुधार आमा समूहले प्रथम बनी नगद २५ हजार पायो । साथ सक्षम अभियान नेपाल दोस्रो हुँदै १५ हजार रुपैयाँ पाउँदा एकलधारा सिर्जनशील समूह तेस्रो हुँदै १० हजार तथा धरहरा आमा समूहले सान्त्वना बनी पाँच हजार जितेका छन् ।

संस्थाका अध्यक्ष भीम पराजुलीको अध्यक्षतामा भएको कार्यक्रममा गण्डकी प्रदेश प्रहरी संघका प्रमुख दुर्गा सिंह, प्रदेश प्रहरी पोखराका प्रमुख एसएसपी धु्रवराज राउत, पोखरा महानगरपालिका वडा नम्बर ९ की वडा सदस्य लक्ष्मी पहारी, संस्थाका महासचिव घनश्याम तिमिल्सिना लगायतले बोलेका थिए ।

प्रतियोगितामा उत्कृष्ट नृत्यमा अन्नपूर्ण आमा समूह, उत्कृष्ट भेषभुषा शिवशक्ति आमा समूह, उत्कृष्ट शब्द दिदीबहिनी समूह तथा उत्कृष्ट स्वर दृष्टिविहीन दिदीबहिनी समूह र नवदुर्गा आमा समूह घोषित भए । प्रतियोगितामा १७ टिमको सहभागिता थियो ।