पोखरा ।
विन्ध्येश्वरी आदर्श बोर्डिङ स्कुलमा सिपिएसअभिभावकीय तालिम तथा अन्तर्क्रियात्मक कार्यक्रम सम्पन्न भएको छ ।
उक्त कार्यक्रममा लावण्य इन्टरनेसनल काठमाडौँका म्यानेजिङ डिरेक्टर मनोज पण्डित र गण्डकी प्रदेशका बजार व्यवस्थापक प्रमुख हरि खनालले विद्यालय प्रशासन, शिक्षक र अभिभावकको संयुक्त प्रयासबाट नै नानीबाबुलाई संस्कारयुक्त असल बनाउन सहयोग पुग्ने बताए । उनीहरुले लावण्य र सिपिएसको बारेमा पनि प्रष्ट्याए ।

कार्यक्रममा कक्षा नर्सरी, एलकेजी र युकेजीका विद्यार्थीहरुले आफूले सिकेका कुराहरु प्रस्तुत गरेका थिए । विद्यालयकी सिपिएस प्रमुख रोजिना लगुनले शिक्षक तथा अभिभावक बिचमा सहजीकरण गरिन् । विद्यालयका प्राचार्य कृष्णकुमार श्रेष्ठको सभापतित्वमा भएको उक्त कार्यक्रमको सञ्चालन शिक्षिका माया क्षेत्रीले गरेकी थिइन् ।