लेखनाथ ।
पोखरा महानगरपालिका वडा नम्बर २८ स्थित रत्नशोभा माध्यमिक विद्यालयमा १७ औं पुस्तकालय दिवस मनाइएको छ । कक्षा ६ देखि कक्षा १२ सम्म ‘निरन्तर शिक्षाका लागि पुस्तकालय’ विषयमा वक्तृत्वकला प्रतियोगिता र कक्षा १ देखि ५ सम्म विद्यार्थीहरु बिच घैटो फुटाई कार्यक्रम गरी पुस्तकालय दिवस मनाइएको हो ।

वक्तृत्वकला प्रतियोगितामा कक्षा १२ की छात्रा श्रीनिशा घिमिरे प्रथम, कक्षा ८ की छात्रा स्मृति बुढाथोकी द्वितीय र कक्षा ८ कै छात्र एलन गुरुङ तृतीय भएका थिए । यसैगरी कक्षा १ देखि ५ सम्म भएको घैंटो फुटाई कार्यक्रममा कक्षा ४ का सुगम अधिकारी प्रथम भएका थिए ।

कार्यक्रममा विद्यालयका प्रधानाध्यापक किरणबाबु न्यौपानेले विजेता विद्यार्थीहरुलाई बधाई दिँदै सिकाइ निरन्तर चल्ने प्रक्रिया भएको बताउँदै विद्यार्थीहरुले पुस्तकालयलाई धेरैभन्दा धेरै प्रयोग गरी ज्ञान आर्जन गर्न आग्रह गरे ।

अतिरिक्त क्रियाकलापमा सहभागीताले विद्यार्थीलाई धेरै कुरा सिकाउने बताउँदै आफ्ना कमी कम्जोरीलाई सुधार गरेर आगामी दिनमा अगाडि बढ्न सुझाव दिंदै विजेता विद्यार्थीहरुलाई बधाई दिएका थिए ।

बक्तृत्वकला प्रतियोगितामा शिक्षकहरु कृष्ण प्रसाद पौडेल, भागिरथी देवी ढकाल र सरीता पौडेल थिए । प्रतियोगिता सम्बन्धी नियमका बारेमा शिक्षक कृष्णप्रसाद पौडेलले स्पष्ट पारेका थिए ।

कार्यक्रममा पुस्तकालय प्रमुख कमला पौडेल, पुस्तकालय व्यवस्थापन समिति सदस्य सचिव मेघनाथ आचार्यले पुस्तकालय सम्बन्धी आ–आफ्नो भनाइ राखेका थिए ।

पुस्तकाल व्यवस्थापन समितिका अध्यक्ष एवं प्रधानाध्यापक किरणबाबु न्यौपानेको अध्यक्षतामा सम्पन्न भएको कार्यक्रमको सञ्चालन सदस्य सचिव मेघनाथ आचार्यले गरेका थिए ।

प्रधानाध्यापक न्यौपानेले र निवर्तमान प्रधानाध्यापक गोपालबहादुर बुढाथोकीले पुरस्कार वितरण गरेका थिए । यस वर्षको पुरस्तकालय दिवसको नारा निरन्तर शिक्षाका लागि पुस्तकालय थियो ।