लेखनाथ ।
पोखरा महानगरपालिका वडा नम्बर ३० पावरहाउसका युवा व्यवसायी ज्ञानदीप केसी र छायाँ कार्की केसीले बिहीबारदेखि सुविधा सम्पन्न प्रतिविम्ब सलोन एन्ड ब्युटी स्टुडियो सञ्चालनमा ल्याएका छन् ।

व्यवसायी दम्पतीले झण्डै ६० लाखको लागतमा पोखरा ३० गगनगौंडा पावरहाउसमा व्यूटी स्टुडियो संचालनमा ल्याएका हुन् । छाँयाले ८ महिनाको एडभान्स कोर्स गरेपछि सुविधासम्पन्न सलोन एन्ड ब्युटी स्टुडियो सञ्चालन गरेकी हुन ।

स्टुडियोमा हेयर स्पा, पेडी क्यअर, मेनिक्युअर, फेसियल, बेहुलीको शृंगार, नेल आर्टस् लगायत सेवा उपलब्ध रहेको सञ्चालक ज्ञानदीप केसीले जानकारी दिए । महिला तथा पुरुषका लागि आधुनिक हेयर कटिङको सेवा रहेको उनले जानकारी दिए । स्टुडियोमा ब्युटिसियन सम्वन्धी विभिन्न कोर्समा तालिम समेत प्रदान गरिने केसीले बताए ।

स्टुडियोमा भातरको गोवामा ८ वर्षदेखि हेयर डिजाइनरको काम गर्दै आएका एक सहित ६ जना दक्ष जनशक्ति छन् । साविक लेखनाथ र रुपा तथा तनहुँको पश्चिम क्षेत्रका ग्राहकहरुलाई लक्ष्य गरी सेवा सुरु गरिएको सञ्चालक छाँया कार्कीले बताइन् ।