पोखरा ।
पिकअप दुर्घटनामा परि रुकुम पूर्व पुथा उत्तरगंगा गाउँपालिकाको उपाध्यक्ष भुपेन्द्रा बुढा मगरको मृत्यु भएको छ । बागलुङको गलकोट नगरपालिका–२ भुङखानीमा शुक्रबार बिहान रा १ झ २०० नम्बरको सरकारी जीप दुर्घटना भएको थियो ।

दुर्घटनामा मृत्यु भएका ३३ वर्षीया भुपेन्द्रा बुढा मगर रुकुम पुर्व पुथा उत्तरगंगा गाउँपालिकाको उपाध्यक्ष बुढा भएको जिल्ला प्रहरी कार्यालय बागलुङले पुष्टि गरेको हो । उपाध्यक्ष बुढाकी आमा ६१ वर्षीया गाेपीमाया बुढाकाे पनि दुर्घटनामा परि मृत्यु भएकाे छ ।

प्रहरीका अनुसार दुर्घटनामा परि दुई महिला र एक पुरुषको मृत्यु भएको थियो । एक जना भने घाइते भएका छन् । मृत्यु भएका एकजनाको अझै सनाखत हुन नसकेकाे जिल्ला प्रहरी कार्यालय बागलुङले जनाएको छ ।

दुर्घटनामा घाइते भएका चालक २९ वर्षीय प्रेमबहादुर पुनको धौलागिरी अस्पतालमा उपचार भइरहेको प्रहरीले जनाएको छ । उनको अवस्था गम्भिर रहेको प्रहरीले बताएको छ ।