पोखरा ।
पोखरा उद्योग वाणिज्य संघले नियमित रुपमा प्रदान गर्दै आएको सर्वोत्कृष्ट व्यवसायी सम्मान (पिसिसिआई एक्सेलेन्सी अवार्ड) द्वारा यस वर्ष सुजल डेरी सम्मानित भएको छ ।

उद्योगतर्फ लक्ष्मी ग्रुप अन्तर्गतको सुजल डेरीलाई पोखरा उद्योग वाणिज्य संघको ७० औं साधारण सभा तथा ३५ औं महाअधिवेशनको उद्घाटन सत्रमा सम्मान गरिएको हो ।

सुजलको तर्फबाट लक्ष्मी ग्रुपका कार्यकारी निर्देशक सुनील श्रेष्ठले सो अवार्ड ग्रहण गरे । पोखरा महानगर पालिकाका प्रमुख धनराज आचार्य र पोखरा उद्योग वाणिज्य संघका अध्यक्ष पवनकुमार प्रजापतिले सुजललाई सम्मान गरेका हुन् ।

अवार्ड छनोट समिति संयोजकसमेत रहेको पोखरा उद्योग वाणिज्य संघका पूर्वअध्यक्ष वसन्त उदासले सुजलले अब्बल काम गरी सम्मानित बनेको बताए ।