लेखनाथ ।
लेखनाथ खानेपानी उपभोक्ता संस्था पोखरा–३० ले शनिबार स्वागत तथा भेटघाट कार्यक्रममा राखेको छ । नेपाल सरकारका संघीय खानेपानी मन्त्री प्रदीप यादवको स्वागत र भेटघाट कार्यक्रम भएको हो ।

मन्त्री यादवले खानेपानीका स्रोत संरक्षण गरेर उपभोग गर्नु अहिलेको आवश्यकता भएको बताएका थिए । साविक लेखनाथ नगरपालिका क्षेत्रमा सडक विस्तारका कारण १५ करोड रुपैयाँ पाइपलाइनमा क्षति भएको मन्त्री यादवले सुनाए । उनले खानेपानी, विद्युत र सडकको समन्वयको खाँचो पनि औंल्याए ।

छलफल एवं भेटघाट कार्यक्रमा खानेपानी मन्त्रालयकी सचिव प्रमिला देवी शाक्यले संस्थाको प्रगति विवरण हेर्दा सन्तोषजनक रहेको बताइन् । उनले मन्त्रालयको थप सहयोगको बचन पनि दिइन् ।

कार्यक्रममा संघीय खानेपानी आयोजनाका प्रमुख शंकरचन्द्र केसीले कानुनलाई केही परिमार्जन गरेर उपभोक्तालाई स्वच्छ खानेपानी उपलब्ध गराउनुपर्ने बताए । लेखनाथ खानेपानी उपभोक्ता संस्थाका उपाध्यक्ष पुष्पकमल ढुंगानाले २७ वर्ष पार गरेको संस्थाले समथर र पहाडी भूभाग गरी करिब ८८ हजार ६०५ जनसंख्यालाई दैनिक १ करोड ९ लाख लिटर प्रतिदिन स्वच्छ खानेपानी उपलब्ध गराउँदै आएको बताए ।

उनले संस्थामार्फत २ पानीका मुहान, ९ बोरिङमार्फत पानी वितरण हुँदै आएको जानकारी दिए । लेखनाथ खानेपानी उपभोक्ता संस्थाद्वारा वितरित पानी विश्व स्वास्थ्य संगठनको मापदण्ड पूरा गरेकाले ढुक्क भएर उपभोग गर्न उपभोक्तालाई उनले अनुरोध गरे ।

संस्थाका इन्जिनियर रमेश गिरीले संस्थाले हालसम्म गरेका प्रगति विवरण र आगामी दिनमा हुने चुतौतीका बारेमा जानकारी दिए । संस्थाकी सचिव नारायणी भट्टराईले कार्यक्रम सञ्चालन गरेकी थिइन्