पोखरा ।
लायन्स क्लब पोखरा अन्नपूर्ण र लियो क्लब पोखरा अन्नपूर्णले अन्नपूर्ण गाउँपालिका वडा नं २ मा फूल बनाउने तालिम आयोजना गरेको छ । गाउँपालिका उपाध्यक्ष चन्द्रकला देवकोटा अधिकारीले तालिम सुरुआत गरिन् ।

उनले समयको सदुपयोग गर्ने सके भने कुनै पनि महिला बेरोजगार हुन नपर्ने र आफूले सिकेको सीपबाट आयआर्जन सकिने औंल्याइन् । वडा नं २ का अध्यक्ष पिताम्बर भण्डारीले सिकेको सीपलाई उपयोग गरी आर्थिक अवस्था बदल्न आग्रह गरे ।

लायन्स पोखरा अन्नपूर्णका अध्यक्ष गणेश छविले लायन्स सहरमा होइन गाउँ गाउँमा पनि पुग्नुपर्नेमा जोड दिए । तालिममा ४३ जना सहभागी छन् ।

प्रशिक्षक तीर्थ श्रेष्ठ, लियो क्लब पोखरा अन्नपूर्ण अध्यक्ष सुवास अधिकारी, लियो डिष्ट्रिक रिजन कोर्डिनेटर पवन भण्डारी, अलिषा अधिकारी, सचिव सागर भण्डारी लगायतले कार्यक्रममा बोलेका थिए ।