पोखरा ।
स्वास्थ्य तथा जनसंख्या मन्त्री प्रदीप पौडेलले सोमबार नेपाल परिवार नियोजन संघ कास्की शाखा निरीक्षण गरेका छन् । मन्त्री पौडेलले पोखरा १२ उपकार मार्गमा रहेको संघको निरीक्षण अवलोकन गरेका हुन् ।

उनले परिवार नियोजन संघका सेवाबारे जानकारीसमेत लिए । मन्त्री पौडेललाई नेपाल परिवार नियोजन संघ कास्की शाखाका सभापति नवीन सिग्देलले स्वागत गरेका थिए । सभापति सिग्देलले संघले सरकारबाट साथ, सहयोग, सद्भाव र प्रोत्साहन चाहेको उल्लेख गरे ।

संघले सुरक्षित गर्भपतन सेवा, गर्भवती जाँच, पुरुष बन्ध्याकरण, यौनजन्य रोगको उपचार तथा परामर्श, एचआइभी परीक्षण तथा परामर्श सेवा, पाठेघरको मुखको क्यान्सर परीक्षण लगागयतका सेवा प्रदान गर्दै आएको छ ।