पोखरा ।
पोखरा महानगरपालिका वडा नम्बर २९ भण्डारढिकमा रहेको दीपशिखा सामुदायिक पुस्तकालय तथा दीपशिखा बहुउद्देश्यीय सामुदायिक सिकाइ केन्द्रको आयोजनामा किशोरीहरुका लागि चित्रकला प्रतियोगिता भएको छ ।

प्रतियोगितामा विभिन्न विद्यालयका १५ किशोरीहरुले प्रतिस्पर्धा गरेका थिए । प्रतियोगितामा पोखरा महानगरपालिका वडा नम्बर ३२ मा रहेको गोगन माविकी जसिका गुरुङले प्रथम स्थान प्राप्त गर्न सफल भइन् ।

गोगन मा विकै सचिना तिवारीले द्वितीय स्थान तथा पोखरा महानगरपालिका वडा नम्बर २७ रिठेपानीमामा रहेको लिटल फ्लावर एजुकेसनल एकेडेमीकी मञ्जिला गुरुङले तृतीय स्थान प्राप्त गर्न सफल भए ।

कार्यक्रममा दीपशिखा सामुदायिक पुस्तकालयका अध्यक्ष कृष्णहरि भण्डारी,सदस्यहरु कमला भण्डारी, विष्णुहरि पौडेल, पुस्तकालयका कार्यालय प्रमुख धनु पहारी, गोगन माविकी शिक्षक एलिसा केसी लगायतले चित्रकला प्रतियोगिताका विजयी विद्यार्थीहरुलाई पुरस्कार वितरण गरेका थिए ।