लेखनाथ । लेखनाथ उद्योग वाणिज्य संघका व्यवसायी सदस्यहरुलाई यती एयरलायन्सले १० प्रतिशत छुट दिने भएको छ ।

यती एयरलाइन्सको जुन सुकै ठाउको यात्रा गर्दा व्यवसायी सदस्यहरुलाई १० प्रतिशत छुटको व्यवस्था हुने गरी आइतबार दुई सस्थाका बीच सम्झौता भएको छ । लेखनाथ उद्योग वाणिज्य संघको तर्फबाट अध्यक्ष विनोद श्रेष्ठ र यती एयरलाइन्सको तर्फबाट पोखराका स्टेसन प्रमुख राम लामिछानेले छुटको सम्झौता पत्रमा हस्ताक्षर गरी कार्यन्वयन गर्ने सहमति भएको हो ।

सम्झौता अनुसार लेउवा संघका १ हजार ६ सय सदस्यहरुलाई परिचयपत्रका आधारमा यती एयरलायन्सको जुन सुकै किसिमको यात्रामा पनि १० प्रतिशत छुट दिने गरी सहमति भएको हो ।