लेखनाथ ।
पोखरा महानगरपालिका वडा नम्बर २७ मा रहेको रिठेपानी बचत तथा ऋण सहकारी संस्थाको सेयर सदस्यको संख्या २ हजार ३ सय २५ पुगेको छ । रिठेपानी सहकारीमा गत वर्ष भन्दा झण्डै १०० जना नयाँ सदस्य थपिएका हुन् । यो वर्ष २ हजार ३ सय २५ पुगेको सदस्य पुगेका छन् ।

संस्थाले आगामी आर्थिक वर्षमा २ हजार ४ सय ४१ सदस्य पुर्‍याउने लक्ष्य राखेको छ । पछिल्लो समय सस्थाले रु एक हजारमा पनि सेयर सदस्य बन्न पाइने नियम ल्याएपछि सदस्य संख्यामा वृद्धि भई सेयर पुँजी ४ करोड ३० लाख ८४ हजार ४ सय पुगेको संस्थाको १२ औं वार्षिक साधारण सभामा अध्यक्ष कुशप्रसाद गुरुङले जानकारी गराए ।

संस्थाको १२ साधारण सभाको उद्घाटन पोखरा महानगरपालिका वडा नम्बर २७ का वडाध्यक्ष पूर्णकुमार गुरुङले गरे । कार्यक्रममा संस्थाका वरिष्ठ सल्लाहकार सुवेदार जगबहादुर गुरुङ, संस्थापक अध्यक्ष यमप्रसाद गुरुङ, संस्थाका सचिव विष्णुप्रसाद पौडेल र छिमेकी टोल विकास समितिकी अध्यक्ष पार्वती भट्टराई लगायतले मन्तव्य राखे ।

सस्थाका अध्यक्ष कुशप्रसाद गुरुङको अध्यक्षतामा भएको कार्यक्रममा संस्थाकी कर्मचारी मञ्जु कँडेलले स्वागत र कार्यालय प्रमुख द्रौपदी गुरुङले संस्थाको वित्तीय विवरणको जानकारी राखिन् ।

संस्थाको १२ औं साधारण सभाका अवसरमा असल कारोवारमा रमेश कुमाल, चन्द्रकुमारी तामाङ, नरबहादुर गुरुङ र सुमन विश्वकर्मालाई सम्मान गरिएको थियो । संस्थाको अध्ययन अवलोक भम्रणका संयोजक सूर्य भट्टराई र तालिम संयोजक विष्णु गुरुङ पनि सम्मानित भए ।