पोखरा ।
पोखरा महानगरपालिका–३२ मजुवाबाट अवैध रूपमा ल्याइएको चाँदीका गरगहना सहित भारतका ३५ वर्षीय चन्द्र भूषण प्रसाद पक्राउ परेका छन् ।

५ किलो ६ सय ९० ग्राम तौलको चाँदीका गरगहना सहित उनलाई सोमबार इलाका प्रहरी कार्यालय शिसुवा कास्कीबाट खटिएको प्रहरीले पक्राउ गरेको हो ।

उनको साथबाट चाँदी जस्तो देखिने सेतो धातुको बुट्टावाला पाउजु १ सय ४० थान, झल्लार पाउजु १ सय ९२ थान, सादा पाउजु १ सय २५ थान, चन्द्रमा ५ थान, साडी पिन ११ थान र पाउजुको लक हुक ४ सय ९८ थान बरामद गरिएको प्रहरीले बताएको छ ।

थप अनुसन्धान तथा आवश्यक कारवाहीको लागि आन्तरिक राजश्व अनुसन्धान विभाग हरिहर भवन ललितपुर पठाइएको प्रहरीले जनाएको छ ।