पोखरा ।
पोखरा महानगरपालिका वडा नं. २९, भण्डारढिकमा अवस्थीत जनप्रकाश बहुहुखी क्याम्पसको बुधबार २० औं साधरणसभा भएको छ ।

कार्यक्रम क्याम्पस सञ्चालक समितिका अध्यक्ष विजयराज भण्डारीको सभापतित्व र प्रतिनिधि सभा सदस्य जिवन परियारको प्रमुख आतिथ्यतामा सञ्चालन भएको हो ।

परियारले सामुदायिक क्याम्पसलाई सबै तहका सरकारले संरक्षण र दिगो सञ्चालनको लागी विशेष पहल गर्नुपर्ने बताए । समाज रुपान्तरण र देशको शैक्षिक उन्नयनमा क्याम्पसले पुर्‍याएको योगदानको मुक्तकण्ठले प्रशंसा गरे । साथै क्याम्पसका हरेक सुख दुखमा हातेमालो गरी अगाडी बढ्ने धारणा व्यक्त गरे ।

कार्यक्रममा पोखरा २९ का वडाध्यक्ष प्रसाद गुरुङ, २७ का वडाध्यक्ष पुर्णकुमार गुरुङ, ३२ का अध्यक्ष अक्कलबहादुर कार्की, पूर्व सञ्चालक समिति अध्यक्ष माधव भण्डारी, प्राध्यापक संघका सभापति युवराज लामिछाने, प्रेमकला आचार्य, लक्ष्मण थापा क्षेत्री लगायतले बोलेका थिए ।

क्याम्पस प्रमुख ऋषिराम बुढाथोकीले क्याम्पसको प्रगति प्रतिवेदन प्रस्तुत गरेको कार्यक्रममा लेखा समिति संयोजक सुरेन्द्र राज अधिकारीले क्याम्पसको लेखा प्रतिवेदन पेश गरेका थिए ।

कार्यक्रममा क्याम्पसले प्रकाशन गरेको जर्नल “जनप्रकाश जर्नल अफ मल्टिडिसिप्लेनरी रिर्सचको” विमोचन गरीएको थियो ।
कार्यक्रमको सञ्चालन सहायक क्याम्पस प्रमुख अर्जुन ओझाले गरेका थिए ।