पोखरा ।

कास्की प्रहरीको हिरासतमा रहेका जिबी राई रवि लामिछानका व्यवसायिक साझेदार छविलाल जोशी बन्जाडे हिरासतमुक्त हुने सम्भावना बढेको छ । गोर्खा मिडिया नेटवर्क प्रालिका पूर्व सञ्चालक जाेशीको भोलि अर्थात १७ गते विहीबार हिरासतमा बस्ने म्याद सकिदै छ ।

सर्वोच्च अदालतले सूर्यदर्शन सहकारी ठगी प्रकरणको अनुसन्धानका लागि पक्राउ परेका जोशीलाई धरौटी वा जमानतमा छाड्ने कानुनी व्यवस्था रहेको भन्दै प्रहरीको ध्यानाकर्षण गराएको छ ।

बुधबार न्यायाधीशहरु तिलप्रसाद श्रेष्ठ र अब्दुल अजिज मुसलमानको इजलासले दशैं बिदा सुरु हुन लागेको भन्दै धरौटी वा तारेखमा छाड्न ध्यानाकर्षण गराएको हो ।

जिल्ला अदालत कास्कीले उनलाई १७ असोजसम्म हिरासतमा राख्न प्रहरीलाई अनुमति दिएको छ । छविलाल जोशीको परिवारका तर्फबाट परेको बन्दी प्रत्यक्षीकरण रिटको सुनुवाइ गर्दै सर्वोच्चले उनलाई गैरकानुनी हिरासतमा राखेको भन्न भने नमिल्ने ठहर गरेको छ ।

हेर्नुहोस अदालतको आदेश