पोखरा । स्याङ्जाको चापाकोट नगरपालिकामा वडा नं– ६ का वडा सदस्य तारा सिं थापाको मृत्यु भएको छ। 

४३ वर्षीय थापाको सोमबार हृदयघातका कारण मृत्यु भएको नगर प्रमुख देवबहादुर खाँणले जानाकारी दिए । वडा नं ६ खार्दीका थापाको रामपुर अस्पताल पाल्पामा उपचारको क्रममा मृत्यु भएको हो। 

सदस्य थापाको मृत्युको शोकमा नगरपालिकाले मंगलबार एक दिन शोक बिदा दिने निर्णय गरेको खाँणले बताए । नगर सदस्य थापालको गत स्थानीय तह निर्वाचनमा ५ सय ८० मत ल्याउदै निर्वाचित भएका थिए । थापाको श्रीमती र १ छोरा छन्।