पोखरा ।
नेपालीका विभिन्न चाडपर्वको सन्दर्भमा पोखराका इलेक्ट्रोनिक्स व्यवसायीबिच शुभकामना आदानप्रदान भएको छ । पोखरा इलेक्ट्रोनिक्स व्यवसायी संघले बुधबार दसैं, तिहार, नेपाल संवत, छठ लगायतका पर्वको सन्दर्भमा शुभकामना आदानप्रदान गरेको हो ।

कार्यक्रममा संस्थाका सल्लाहकार जनपुकार मुनकमीले इलेक्ट्रोनिक्स व्यवसायीबीच एकता र सहकार्यलाई अझ प्रगाढ बनाउनुपर्नेमा जोड दिए । बुधबारै भएको संघको बैठकले संघको १२ औं अधिवेशन एवम् २४ औं साधारणसभा मंसिर १५ गते निर्णय गरेको छ ।

संघका अध्यक्ष नारायण सुवेदीले चाडपर्वहरु व्यवसायीका लागि व्यापार गर्ने अवसरसमेत भएको जनाउँदै एकता र सहकार्यबाटै सबैको हित हुनेमा जोड दिए । संघका करिब ३ सय व्यवसायी आवद्ध छन् ।

संस्थाका सचिव होमविलास सापकोटाको संयोजकत्वमा भएको कार्यक्रममा संघका संस्थापक अध्यक्ष नारायण पौडेल, पूर्वअध्यक्षद्वय उदयबहादुर केसी र श्रीप्रसाद घले, महासचिव चिन्तामणि खरेल लगायतले बोलेका थिए ।