पोखरा ।
पोखरा महानगरपालिकाले करार कर्मचारी हटाउने निर्णयको विरोधमा एमालेका जनप्रतिनिधिले दिएको धर्ना कार्यक्रममा झडपमा भएको छ । झडपमा नगरप्रहरी सई सन्तबहादुर केसी घाइत भएका छन् ।

उनको अण्डाकोषमा चोट लागेको नगरप्रहरीले जनाएको छ । नगरप्रहरीका अनुसार उनलाई अस्पताल भर्ना गरिएको छ ।

एमाले जनप्रतिनिधिहरुले मंगलबार गेटअगाडि धर्नासहित विरोध प्रदर्शन गरेका थिए । विरोध प्रदर्शन गरिरहेको बेला महानगरभित्र नै नगरप्रहरीसँग धकेलाधकेल भएको थियो ।
यसअघि कात्तिक १५ गते पोखरा महानगरको कार्यपालिका बैठकले करार कर्मचारी हटाउने निर्णय गरेको थियो । सो निर्णयको एमालेले विरोध गर्दै आएको छ ।