पोखरा ।
श्रमिक बचत तथा ऋण सहकारी संस्था लिमिटेडको पोखरा ९ पृथ्वीचोकको चालु आर्थिक वर्षको सेयर पुँजी २ करोड ३० लाख ८० हजार रुपैयाँ कायम भएको छ । सहकारीको आर्थिक वर्ष २०७९/०८० को सेयर पुँजी २ करोड ५७ लाख ९० हजार रुपैयाँ रहेको थियो ।

सहकारीका अध्यक्ष वद्रीनाथ पराजुलीले आर्थिक वर्ष २०८०/०८१ मा सहकारीको निक्षेप ५ करोड ४१ लाख ४३ हजार २ सय ७३ रुपैयाँ पुगेको बताए । सहकारीको शनिबार भएको १३ औं साधारण सभाको उद्घाटन कार्यक्रममा अध्यक्ष पराजुलीले सहकारीको गत आर्थिक वर्षमा ४ करोड ७५ लाख २७ हजार ७ सय १० रुपैयाँ निक्षेप बचत जानकारी दिए ।

सहकारीका कोषाध्यक्ष रुद्रबहादुर खत्रीले यस आर्थिक वर्षमा ६ करोड ३७ लाख ५८ हजार ९ सय २१ रुपैयाँ कर्जा लगानी गरेको बताए । सहकारीले गत आर्थिक वर्षमा ६ करोड ८१ लाख ६१ हजार ४ सय ८ रुपैयाँ कर्जा लगानी गरेको थियो । कोषाध्यक्ष खत्रीका अनुसार सहकारीको बैंक मौज्दात २ करोड २७ लाख ६३ हजार ९ सय ९ रहेको छ । सहकारीको जगेडा कोष ३२ लाख ७१ हजार २ सय १२ र अन्य कोष ३३ लाख ४५ हजार ८ सय २०रहेको कोषाध्यक्ष खत्रीले जनाए ।

चालु आर्थिक वर्षमा सहकारीले विभिन्न शीर्षकमा ४ करोड ७ लाख ८५ हजार ४ सय ८७ रुपैयाँ ऋण असुली गरेको छ । कास्की बचत तथा ऋण सहकारी संस्थाका उपाध्यक्ष ईश्वरप्रसाद सुवेदीले सबै सहकारीले सेयर सदस्यलाई आत्मनिर्भर र स्वावलम्बन बन्न सिकाउनुपर्ने बताए ।

कार्यक्रममा संविधान सभाका सदस्य चूडामणि जंगली, सहकारीका निवर्तमान अध्यक्ष ईश्वरप्रसाद आचार्य, उपाध्यक्ष बलराम पौडेल, सचिव वृहस्पति पराजुली, सल्लाहकारहरु टुवराज बास्तोला, चन्द्रप्रसाद गुरुङ लगायतले सहकारीका बारेमा बोलेका थिए ।

अध्यक्ष पराजुलीले सञ्चालक समितिको तर्फबाट प्रस्तुत प्रतिवेदन, कोषाध्यक्ष खत्रीले पेश गरेको आर्थिक प्रतिवेदन र सहकारीको लेखा समितिको संयोजक मञ्जुल सुवेदी प्रस्तुत गरेको लेखा समितिको प्रतिवेदन सभाले सुधारसहित पारित गरेको छ । सहकारीमा ४ सय ८८ सेयर सदस्य छन् । सहकारीको १३ औं वार्षिक साधारण सभाको सन्दर्भमा आयोजना गरिएको खुला रक्तदानबाट १३ युनिट रगत संकलन भएको छ ।